Śrī Vindhyavāsinī Stotram
Niśumbha śumbha mardinīṃ
निशुम्भशुम्भमर्दिनीं
pracaṇḍa muṇḍa khaṇḍanīm
प्रचण्डमुण्डखण्डनीम् ।
vane raṇe prakāśinīṃ
वने रणे प्रकाशिनीं
bhajāmi vindhyavāsinīm
भजामि विन्ध्यवासिनीम् ॥
1
trisula muṇḍa dhāriṇīṃ
त्रिशूलमुण्डधारिणीं
dharā vighāta hāriṇīm
धराविघातहारिणीम् ।
gṛhe gṛhe nivāsinīṃ
गृहे गृहे निवासिनीं
bhajāmi vindhyavāsinīm
भजामि विन्ध्यवासिनीम् ॥
2
daridra duḥkha hāriṇīṃ
दरिद्रदुःखहारिणीं
satāṃ vibhūti kāriṇīm
सतां विभूतिकारिणीम् ।
viyoga śoka hāriṇīṃ
वियोगशोकहारिणीं
bhajāmi vindhyavāsinīm
भजामि विन्ध्यवासिनीम् ॥
3
lasat sulo lalocanāṃ
लसत्सुलोललोचनां
jane sadā vara pradām
जने सदा वरप्रदाम्
kapāla śūla dhāriṇīṃ
कपालशूलधारिणीं
bhajāmi vindhyavāsinīm
भजामि विन्ध्यवासिनीम् ॥
4
kare mudā gadā dharim
करो मुदा गदाधरो
śivāṃ śiva pradāyinīm
शिवां शिवप्रदायिनीम् ।
varāvarānanāṃ śubhāṃ
वरावराननां शुभां
bhajāmi vindhyavāsinīm
भजामि विन्ध्यवासिनीम् ॥
5
ṛṣīndra jāmini pradāṃ
ऋषीन्द्रजामिनिप्रदां
tridhāsya rūpa dhāriṇīm
त्रिधास्यरूपधारिणीम् ।
jale sthale nivāsinīṃ
जले स्थले निवासिनीं
bhajāmi vindhyavāsinīm
भजामि विन्ध्यवासिनीम् ॥
6
viśiṣṭa sṛṣṭi kāriṇīṃ
विशिष्टसृष्टिकारिणीं
viśāla rūpa dhāriṇīm
विशालरूपधारिणीम् ।
mahodare viśālinīṃ
महोदरे विशालिनीं
bhajāmi vindhyavāsinīm
भजामि विन्ध्यवासिनीम् ॥
7
purandarā disevitāṃ
पुरन्दरादिसेवितां
murādi vaṃśa khaṇḍanīm
मुरादिवंशखण्डनीम् ।
viśuddha buddhi kāriṇīṃ
विशुद्धबुद्धिकारिणीं
bhajāmi vindhyavāsinīm
भजामि विन्ध्यवासिनीम् ॥
8
Śrī Vindhyavāsinī Daśapadī
श्री विन्ध्यवासिनि दशपदी
Dhyānaśloka
śrīvindhyavāsinyai namaḥ
श्रीविन्ध्यवासिन्यै नमः ।
sauvarṇāmbujamadhyagāṃ trinayanāṃ saudāminīsannibhāṃ
सौवर्णाम्बुजमध्यगां त्रिनयनां सौदामिनीसन्निभां
śaṅkhaṃ cakravarābhayāni dadhatīṃ indoḥ kalāṃ bibhratīm
शङ्खं चक्रवराभयानि दधतीं इन्दोः कलां बिभ्रतीम् ।
graiveyāṅgadahārakuṇḍaladharām ākhaṇḍalādyaiḥ stutāṃ
ग्रैवेयाङ्गदहारकुण्डलधरामाखण्डलाद्यैः स्तुतां
dhyāyed vindhyanivāsinīṃ bhagavatīṃ pārśvasthapañcānanām
ध्यायेद् विन्ध्यनिवासिनीं भगवतीं पार्श्वस्थपञ्चाननाम्'' ॥
------------------------------------------------------------------------------------------
1
siṃhasthā mṛgarājagā ca vijayā durgā ca padmāvatī
सिंहस्था मृगराजगा च विजया दुर्गा च पद्मावती
nāgādhīśvaraviṣṭarā ca lalitā lakṣmīḥ sarojasthitā
नागाधीश्वरविष्टरा च ललिता लक्ष्मीः सरोजस्थिता ।
mātaṅgī ca suratnapīṭhapadavī stutyāś ca sarvāḥ paraṃ
मातङ्गी च सुरत्नपीठपदवी स्तुत्याश्च सर्वाः परं
sauvarṇāmbujamadhyagā vijayate tāsāṃ hi vindhyeśvarī
सौवर्णाम्बुजमध्यगा विजयते तासां हि विन्ध्येश्वरी ॥ १॥
2
hastāsyāṅghridaśā paraṃ trinayanā devī mahākālikā
हस्तास्याङ्घ्रिदशा परं त्रिनयना देवी महाकालिका
durgā siddhikarī jayā śaśidharā dhyātā trinetrā satām
दुर्गा सिद्धिकरी जया शशिधरा ध्याता त्रिनेत्रा सताम् ।
ārādhyā bhuvaneśvarī śivaśivā yuktā tribhir locanaiḥ
आराध्या भुवनेश्वरी शिवशिवा युक्ता त्रिभिर्लोचनैः
saumyā bāhucatuṣṭayā trinayanā vindhyeśvarī śaṅkarī
सौम्या बाहुचतुष्टया त्रिनयना विन्ध्येश्वरी शङ्करी ॥ २॥
3
nīlāśmadyutikālikāṃ bhagavatīṃ kālābhrutulyāṃ jayāṃ
नीलाश्मद्युतिकालिकां भगवती कालाभ्रतुल्या जया
vidyuddāmasamāṃ divākaranibhāṃ durgāṃ ca padmāvatīm
विद्युद्दामसमा दिवाकरनिभा दुर्गा च पद्मावती ।
dhyātavyāṃ ca sarasvatīṃ matimatāṃ śītāṃśutulyaprabhāṃ
ध्यातव्या च सरस्वती मतिमतां शीतांशुतुल्यप्रभा
dṛśyā vindhyanivāsinī kaliyuge saudāminīsannibhā
दृश्या विन्ध्यनिवासिनी कलियुगे सौदामिनीसन्निभा ॥ ३॥
4
khaḍgādiṃ dadhatī karaiḥ suviditā śyāmā satāṃ bhīṣaṇā
खड्गादिं दधती करैः सुविदिता श्यामाऽसतां भीषणा
mālākumbhakapālanīrajakarā padmāvatī saṃstutā
मालाकुम्भकपालनीरजकरा पद्मावती संस्तुता ।
bālānāṃ bhuvaneśvarī nahi tathā saumyā sapāśāṅkuśā
बालानां भुवनेश्वरी नहि तथा सौम्या सपाशाङ्कुशा
śaṅkhaṃ cakravarābhayāni dadhatī vindhyeśvarī vaiṣṇavī
शङ्खं चक्रवराभयानि दधती विन्ध्येश्वरी वैष्णवी ॥ ४॥
5
devī baddhahimāṃśuratnamukuṭā mūrdhendurekhā jayā
देवी बद्धहिमांशुरत्नमुकुटा मूर्धेन्दुरेखा जया
mātaṅgī śaśikhaṇḍadhā śaśidharā durgā ca kāmeśvarī
मातङ्गी शशिखण्डधा शशिधरा दुर्गा च कामेश्वरी ।
dhyātavyā bhuvaneśvarīndumukuṭā candrārdhapadmāvatī
ध्यातव्या भुवनेश्वरीन्दुमुकुटा चन्द्रार्धपद्मावती
vindhye kā’pi nirīkṣyate sahṛdayair indoḥ kalāṃ bibhratī
विन्ध्ये काऽपि निरीक्ष्यते सहृदयैरिन्दोः कलां बिभ्रती ॥ ५॥
6
kālī sarvavibhūṣaṇāvṛtavapuḥ kahlāramālāśriyā
काली सर्वविभूषणावृतवपुः कह्लारमालाश्रिया
mātaṅgī karuṇātaraṅgitadṛśā stutyā bhavānī satī
मातङ्गी करुणातरङ्गितदृशा स्तुत्या भवानी सती ।
bhāsvaddehalatā suratnanivahaiḥ padmāvatī vindhyagā
भास्वद्देहलता सुरत्ननिवहैः पद्मावती, विन्ध्यगा
graiveyāṅgadahārakuṇḍaladharā bhūṣāmṛdur mādhavī
ग्रैवेयाङ्गदहारकुण्डलधरा भूषामृदुर्माधवी ॥ ६॥
7
ādau saṃstutavāṃs tathā kamalajo bodhāya kālīṃ hareḥ
आदौ संस्तुतवांस्तथा कमलजो बोधाय कालीं हरेः
siddhyarthaṃ sujanair jayā suravṛtā kanyābhir āsevitā
सिद्ध्यर्थं सुजनैर्जया सुरवृता कन्याभिरासेविता ।
dhyātavyā hyaṇimādibhiś ca kiraṇaiḥ kāmyair bhavānī vṛtā
ध्यातव्या ह्यणिमादिभिश्च किरणैः काम्यैर्भवानी वृता
vindhyasthā śaraṇaṃ svato bhuvi paraṃ cākhaṇḍalādyaiḥ stutā
विन्ध्यस्था शरणं स्वतो भुवि परञ्चाखण्डलाद्यैः स्तुता ॥ ७॥
8
bhaktānāṃ vitanoti saukhyanikaraṃ lakṣmīḥ prasannānanā
भक्तानां वितनोति सौख्यनिकरं लक्ष्मीः प्रसन्नानना
mātuḥ pālanaśikṣaṇaṃ vitanute vaktrāravindaśriyā
मातुः पालनशिक्षणं वितनुते वक्त्रारविन्दश्रिया ।
saṃsāre bhuvaneśvarī smitamukhī stotuś ca dāne sadā
संसारे भुवनेश्वरी स्मितमुखी स्तोतुश्च दाने सदा
vindhyādrau pṛthulocanā śaśimukhī tāpauṣadhir darśanāt
विन्ध्याद्रौ पृथुलोचना शशिमुखी तापौषधिर्दर्शनात् ॥ ८॥
9
siṃhaskandhagatā jayā mṛgapatiskandhe ca durgā sthitā
सिंहस्कन्धगता जया मृगपतिस्कन्धे च दुर्गा स्थिता
sarvajñeśvarabhairavāṅkanilayā padmāvatī supriyā
सर्वज्ञेश्वरभैरवाङ्कनिलया पद्मावती सुप्रिया ।
siṃhaḥ pārśvagataḥ śivo’tha dayitaḥ pañcānano dvāv api
सिंहः पार्श्वगतः शिवोऽथ दयितः पञ्चाननो द्वावपि
prītiṃ vindhyagatobhayīṃ vitanute pārśvasthapañcānanā
प्रीतिं विन्ध्यगतोभयीं वितनुते पार्श्वस्थपञ्चानना ॥ ९॥
10
ākhyāne prathame stutā suvidhinā kālī dvitīye tataḥ
आख्याने प्रथमे स्तुता सुविधिना काली द्वितीये ततो
lakṣmīś cāpi sarasvatī ca mahatī sarvā tṛtīye’ntataḥ
लक्ष्मीश्चापि सरस्वती च महती सर्वा तृतीयेऽन्ततः ।
mātaṅgī bhuvaneśvarī ca vijayā durgā bhavānī śivā
मातङ्गी भुवनेश्वरी च विजया दुर्गा भवानी शिवा
tāsāṃ vindhyanivāsinī sakaruṇā gaṅgāsakhīlocanā
तासां विन्ध्यनिवासिनी सकरूणा गङ्गासखीलोचना ॥ १०।
Phalaśruti
vindhyācalanivāsinyāḥ sthānaṃ sarvottamottamam
विन्ध्याचलनिवासिन्याः स्थानं सर्वोत्तमोत्तमम् ।
sāsammukhagatānāṃ hi prīṇāti vindhyavāsinī
सासम्मुखगतानां हि प्रीणाति विन्ध्यवासिनी ॥ ११॥
śrīvindhyavāsinī mātā gītā daśapadī-stutiḥ
श्रीविन्ध्यवासिनी माता गीता दशपदीस्तुतिः ।
vitanotu satāṃ modaṃ sarvamaṅgalasaṃyutam
वितनोतु सतां मोदं सर्वमङ्गलसंयुतम् ॥ १२॥
iti śrī vindhyavāsinī daśapadī sampūrṇā
इति श्री विन्ध्यवासिनि दशपदी सम्पूर्णा ।
॥ iti śam ॥
॥ इति शम् ॥
